الثلاثاء، 9 مارس 2010

الـــــعـــــــــو

استمعت فى احدى القنوات الفضائيه مؤخرا الى هذه الحاله الغريبه المسماه ب (العو). وانا لاادرى الى الان هل هذه اغنيه حقا ام انها (تريلر) لفيلم رعب . الصدفه والفضول سامحهما الله هما من فعلا فيا هذا وللمره الثانيه على التوالى خصوصا بعد مشاهدتى تحفة (الفنانه العظيمه) هيفاء وهبى الاخيره . فانا عامة لست من هواة مشاهدة قنوات الفيديو كليب بل على العكس فانا استحق بجداره لقب زعيمة كارهى عالم الفيديو كليب الرخيص واعتبره اكبر كارثه على الفن المصرى لانه جعل من كل من (هب ودب) نجم وفنان .وبسببه تاه الفن الجيد الذى يقدمه امثال على الحجار ومحمد منير ومحمد الحلو وسط ما يقدمه امثال هيفاء وهبى وهذا المدعو دياب (المطرب الشعبى القادم) .واتوقف قليلا عند هذه الجمله الاخيره. فمن قال لامثال هؤلاء ان الطرب الشعبى معناه الابتذال والاسفاف والتدنى بالالفاظ والحركات الى هذه الدرجه . هل لانه يسمى شعبى . فهل الشعب يتحدث هذه اللغه البذيئه ويمارس هذه الحركات المتدنيه . مفهوم الطرب الشعبى والذى بدأه الفنان العظيم خفيف الظل عبد المطلب او (طلب) وكما ترسخ فى ذهنى فهو مفهوم قمه فى الرقى . فالمطرب الشعبى هو الشخص القريب من الناس البسطاء والذى يعبر ببساطه عن احاسيسهم وخفة ظلهم وكلامهم البسيط الذى لا يندرج الى الاسفاف . اما الان فان كل من (تطق) فى باله مسالة الشهره والمال يقوم مع بعض زملائه فى الغرزه او القهوه بتاليف وتلحين وغناء اى شئ يخطر على بالهم ثم يقوموا بتعبئتها فى شريط ويبتلى بها امثالى .
ملحوظه . دياب يقصد نفسه ب (العو )فى هذه الاغنيه واعتقد ان لما يخنى ذكائى بان حبيبته التى يغنى لها هى ال(بخ) . واتذكر الان الفنان الرائع ومعشوقى الاول فى عالم الطرب الشعبى محمد رشدى عندما كان يطل علينا بوقاره ووسامته واحترامه ويغنى (قالوا مهرك ست جمال وانا واد جمال على اد الحال ومليش ريس مال غير الموال)

هناك 5 تعليقات:

The Seagull يقول...

انتي فين يختي؟؟ بأتصل عليكي في البيت ماحدش بيرد ليه؟ :D

أما بقى العو والبخ والأووع إلى آخر هذا الهجص فابتسمي أنتي في زمن الانحطاط الفني بجدارة .. قال شعبي قال :D والمصيبة الأكبر يا أختشي إنك لما تروحي أي مناسبة وتسمعي فيها هذا القرف .. ييييييييييييع بأبقى عايزة أتقيأ وأمشي واسيب لهم القاعة :$

وبعدين هو محمد رشدي بس .. أمال فين العزبي ويا بهية :D

عودًا حميدًا ونا تغيبيش كتير
خلينا نسمع صوتك :))

mUsLiM يقول...

أحسن حاجه فى الموضوع ده انه خلانى أضحك :)

الحقيقة انا مش متابع للثورة الثقافية اللى طرأت على الحياة المصرية بظهور الcouple العو والبخ وسعيد انك نبهتينى لده علشان نكون متابعين لآخر المستجدات برده

ههههههه

يلا عقبال بقى ما ربنا يكرمنا كده ويطلع البو والنو ويا سلام بقى لو طلعنا الجو

ياااااااه

تبقى هيصه

هههههههههه

الله المستعان يا أختى

بقلك صح انتى اسمك ايه ياأختى تصدقى مش عارفه لغاية دلوقتى :)

خلى بالك من نفسك

ونسألكم الدعاء

السلام عليكم

mUsLiM يقول...

يسرا انتى بتحبى يا بهيه

ههههههههههههههههههههه

يا بهيه خبرييييييينى مش عارف ايه

هيا خبرينى عن حاجه كدهمش فاكرها حاليا :)

ياااااه ذكريات والله

معلش يا جماعه انا خنقتكو اصلى عاوز ادردش مع حد قبل ما ابدأ يوم عمل جديد وظريق ومريب

ويا بهية خبرييييينى عللى رمانى هنا بعيد عن مصر :)

السلام عليكم

The Seagull يقول...

هههههههههههههههههه
الله يجازيك يا مصعب ضحكتني جامد :D

آآه طبعًا بحب يا بهية .. الحقيقة كل أغاني العزبي بحب أسمعها أوووي .. أهو ده الفن الشعبي اللي على أصوله :D


إن شاء الله دايمًا بخير يا مصعب وتكون أمورك موفقة ويهون عليك الغربة :))

leeno يقول...

هههههههههههههههههه

ربنا يعينك

انتي ريحي دماغك و اول ما تشوفي ان القناة تبع الناس دول اقلبي على طول