ساعات كتير بسال نفسى لو دار الزمن وفات ممكن انتهى وانا لوحدى فى الدنيا ممكن ملاقيش حد جنبى يطبطب عليا لما احزن ويقولى متقلقيش انا جنبك
ولما اموت ملاقيش اى حد ياخد عزايا ويفتكرنى .
يااااااااه التفكير فى الاحساس ده بشع قوىى
انك تحس ان قطر الحياه بيفوت على كل الناس واحد واحد ويوصل كل واحد فيهم وتلاقيه ناسيك ومفكرش حتى يعدى عليك يوصلك زى باقى الناس وتفضل تستنى وتسنتنى لحد ما الوقت يعدى ويفوت وفى الاخر تلاقى نفسك لوحدك .
طيب انا بسال الاسئله دى ليه ؟ اذا كان انا اساسا بحب اكون لوحدى وبببقى سعيده وانا مع نفسى .
بس شتاااااااااان بين انك تكون لوحدك باختيارك وانك تكون لوحدك غصب عنك !!!
هناك 4 تعليقات:
والله لسة على بالي
انتي عارفة
انا عاوزة اجيلك كتير بجد :)
ايماااااااااان
ربنا يوفقك يارب
بس على فكره
احيانا الانسان بيشعر بالوحده وهو بين الناس
دى مشكلتنا احنا صدقينى
الناس فاهمه الاحساس بالوحده غلط
ممكن جدا تبقى لوحدك فعلا لكن معندكيش الاحساس ده وسعيده بحياتك وعايشاها صح ومستمتعه بوقتك
وممكن جدا تبقى بين الناس
ناس كتير
لكن الاحساس دا ملازمك
مش مهم يكون فى ناس اد ما هو مهم نكون راضيين بواقعنا
طمنى نفسك يا ايمان
انشاء الله ربنا يكرمك ويروح الاحساس دا :)
تصدقى انى لسه من يومين كنت بفكر فى نفس الحاجة و افتكرت واحدة اعرفها حياتها كلها عبارة عن بيت طويل عريض و قطة تقريبا هى الكائن الحى الوحيد اللى بتحتك بيه فى حياتها
و كنت بتخيل ان لو فيه شكل معين للحياة اللى اتمنى انى اموت الف مرة قبل ما اعيشها هتبقى حياة الست دى
و كتبت عنها فى البلوج بس ما رضيتش احطه عشان ما انكدش عليكوا قبل ما اسافر :)
صعب اوى ان الواحد يعيش فى دنيا فاضية
بجد احساس مؤلم اوى ربنا ما يوريهولك ولا يوريه لحد ابدا
ايمان كنت لسه انا وماما بنجيب فى سيرتك ماما بتحبك قوىى
امل
انا فعلا بحس بالوحده وانا فو وسط الناس لانى حاسه انهم مش زيى خالص ولافاهمنى ابدا
بس حتى لما بكون لوحدى مش بكون قاعده لوحدى بكون قاعده معاكم انتم ايمان وامل ويسرا ومروه وفنون وياسمين وهبه وسالى وكل اصدقائى من ع المنتدى
ياسمين
اكتر حاجه بتخوفنى انى اكون لوحدى الاحتياج لانى مش بحب احتاج لحد
علشان كده بتمنى اموت قبل اما اكون تقيله على نفسى وعلى غيرى
تروحى وتيجى بالسلامه
إرسال تعليق