ياخالق الليل والقمر
يارازق الدود فى الحجر
قوينى ع اللى ما يتقدرش
واهدينى للى ينقدر
ضاقت عليا اقول الله
ضحكت شويه اقول الله
ازعل شويه واضحك شويه
واتعب شويه وارتاح شويه
مانا زى غيرى من البشر
تلمح عيونى شمس مش موجوده
تلمع عيونى بضحكه مش محدوده
يارازق الطير والبشر والدوده
فيضك غزير زى المطر
الدنيا تشقى اقول الله
تزيد فى رزقى اقول الله
مهموم شويه فرحان شويه
ماشى شويه قاعد شويه
لاتفيد ذكاوه ولا حذر
هناك 8 تعليقات:
أوي أوي أوي يا إيمـان :) .. ونعـم بالله .. بس انتي اللي كاتبة الكلام ده ,:)
أتمنى من الله أن يرزقنا حال مثل حال صاحب هذه الكلمات ,,
لأن الانسان كثيرا ما ينسى الله فى الفرح ,,
قال تعالى (( وإذا مس الانسان ضر دعا ربه منيبا اليه , ثم إذا خوّله نعمة منه نسى ما كان يدعو اليه من قبل ..الايه ))
فنسأل الله السلامه
ولو يتذكر الانسان قوله تعالى (( ألم نخلقكم من ماء مهين ))
لعلم أنه أحقر وأذل من أن يعصى ربه ,,
فصبحان الملك ذى الجبروت , كيف نعصاه فى ملكه ويصبر علينا ..؟!!
سبحان ذى الرحمة الرحمن المنان !!
سبحان الله
جزاكم الله خيرا يا أختى
...........
وان شاء الله هانكمل الموضوع (( ابتسامه ))
بلاش يأس
فى أمل ان شاء الله (( ابتسامه ))
والله من وراء القصد
السلام عليكم
الله الله الله
لا اله الا الله
مين اللي كاتب ده يايمان .؟ اوعي يكون انت والعياذ بالله بقيتي شاعره يعني هههههه
يارب بس احنا نرضي :S
اكيد طبعا مش انا الى كاتباه
انا اعرف اكتب الكلام ده
ده الى كاتبه الابنودى
نورتوا يا جماعه كلكم
وسعوا كده اما اسلم على اجدع باسم بقالنا 20 سنه مشفناهوش
مبروك ع المدونه يا عم الحاج
مصعب
شفت الردود الكتير الى ع الموضوع
بصراحه مش قادره امسك نفسى من الصدمه
:)
إنتي إنسانة جميلة قوي :)
إرسال تعليق