بما انى اتكلمت قبل كده عن الفن الهابط
حبيت انى اتكلم شويه عن الفن الراقى الجميل اللى بيهذب الاحاسيس والمشاعر
وهيكون ايه غير الموسيقى
ومش اى موسيقى دى موسيقى لتلاته من عباقرة الموسيقى فى مصر الى ميقلش اى واحد فيهم عن النجوم العالميين الى انا معرفش حد فيهم لانى اساسا مش بحب الموسيقى المستورده خالص
يمكن ده جهل منى لكن مفيش موسيقى بتاثر فيا غير الموسيقى العربيه
فيه تلاته بالذات بعتبر ان موسيقاهم زى ما غيرت مسار الموسيقى فى مصر اثرت فيا انا شخصيا وكونت جزء من ذوقى الموسيقى
لما بسمع موسيقى اى حد فيهم بعرف علطول بدون اى تفكير ان هو زى العلامه المسجله
هتكلم عنهم واحد واحد حسب ترتيب تاثيرهم فيا
عـــــــمــــــــــار الـــشـــــــريعى
الراجل ده عبقرى بجد
سبحان الله فعلا
زى ما ربنا اخد منه بصره
اداله مكانها موهبه رائعه مفيش زيها عند واحد مفتح وبيشوف
الراجل ده اول ما بسمع موسيقته بحس بالقوه والشموخ
اكتر واحد يقدر يقدم موسيقى الاعمال الوطنيه والملاحم بشكل هايل لان موسيقته تحس انها بتهزك وترجرجك من جوه
تحس ان انت اول تسمعها عايز تقوم تقف وتضرب تعظيم سلام
علشان كده تحس ان اقرب اله موسيقيه الى قلبه هى العود
اعماله كتيره قوى ورائعه
البرئ
كتيبة الاعدام
عصفور النار
ابو العلا البشرى
مازال النيل يجرى
وحاجات كتييير بصراحه مفيش وقت انى اقعد اعد فيها
فعلا عبقرى
عـــــــــمــــــر خــــــيــــرت
زى اول ما تشوف الشخصيه دى وتحس برقى ملوش حل
هتحس برده فى الموسيقى بتاعته برقى ملوش حل
انا عمرى ما شفت حد بيعزف على البيانو اللى هى الته الموسيقيه المفضله زى الراجل ده
او ما تسمع موسيقته تحس ان انت اتنقلت لعالم جميل كله خضار وبحر وشمس وعصافير بتزقزق وبتغرد
تحس ان انت رحت لعالم رومانسى جميييل قوى
تحس بالحب بيغمرك من فوقك لتحتك ونفسك تروح لشخص بتحبه وترقصوا سوا على انغامه
علشان كده بحس ان موسيقته اكتر موسيقى تقدر تعبر عن اى حاله رومانسيه جميله ببساطه وبدون تعقيد
اى عمل رومانسى مفيش حد زى عمر خيرت يقدر يقدمه
زى
القاء التانى
غوايش
مافيا
تيمور وشفيقه
عارفه
واعمال اكتر من رائعه
وبرده عبقرى
يــــــاســـــر عــــــبــــــــد الـــــرحــمــــن
بصراحه موسيقى ياسر عبد الرحمن اكتر موسيقى قريبه لقلبى
بحس بحنان رهيب بيغمرنى لما بسمع موسيقته
احاسيس ومشاعر وحنين غريب لشئ انا مش عارفاه
علشان كده موسيقى ياسر عبد الرحمن اكتر موسيقى تقدر تعبر عن المشاعر الانسانيه اللى جوه البشر
تحس ان فى ايده معلقه وداخل جوه احاسيسك ومشاعرك وقاعد يقلب فيها ويطلع كل حاجه مدفونه
يمكن علشان كده زى ما بيقولوا اصدقائى على ايجى بيقولوا انهم دايما بيحطوا موسيقاه على الحالات الانسانيه والمآسى الى بتيجى على برامج التليفزيون
بصراحه عندهم حق
هيلاقوا فين موسيقى احن و اكتر شجن من موسيقى ياسر
موسيقاه اللى انا شخصيا لما بسمعها بحس انى عايزه ابكى وارتمى فى حضن امى او اختى
علشان كده تلاقى ان اقرب اله موسيقيه له هى الكمان
لان الكمان اله حزينه قوىىى
ياسر قدم اعمال كتير معظمها فى التليفزيون بس فى الفتره الاخير اتجه للسينما بشكل كبير
حسن ومرقص
ايام السادات
خيانه مشروعه
سوق العصر
كناريا
الاصدقاء
اليل واخره
مش عارفه اقول ايه ولا ايه
يستحق فعلا انه يكون تالت عباقرة الموسيقى فى مصر
حبيت انى اتكلم شويه عن الفن الراقى الجميل اللى بيهذب الاحاسيس والمشاعر
وهيكون ايه غير الموسيقى
ومش اى موسيقى دى موسيقى لتلاته من عباقرة الموسيقى فى مصر الى ميقلش اى واحد فيهم عن النجوم العالميين الى انا معرفش حد فيهم لانى اساسا مش بحب الموسيقى المستورده خالص
يمكن ده جهل منى لكن مفيش موسيقى بتاثر فيا غير الموسيقى العربيه
فيه تلاته بالذات بعتبر ان موسيقاهم زى ما غيرت مسار الموسيقى فى مصر اثرت فيا انا شخصيا وكونت جزء من ذوقى الموسيقى
لما بسمع موسيقى اى حد فيهم بعرف علطول بدون اى تفكير ان هو زى العلامه المسجله
هتكلم عنهم واحد واحد حسب ترتيب تاثيرهم فيا
عـــــــمــــــــــار الـــشـــــــريعى
الراجل ده عبقرى بجدسبحان الله فعلا
زى ما ربنا اخد منه بصره
اداله مكانها موهبه رائعه مفيش زيها عند واحد مفتح وبيشوف
الراجل ده اول ما بسمع موسيقته بحس بالقوه والشموخ
اكتر واحد يقدر يقدم موسيقى الاعمال الوطنيه والملاحم بشكل هايل لان موسيقته تحس انها بتهزك وترجرجك من جوه
تحس ان انت اول تسمعها عايز تقوم تقف وتضرب تعظيم سلام
علشان كده تحس ان اقرب اله موسيقيه الى قلبه هى العود
اعماله كتيره قوى ورائعه
البرئ
كتيبة الاعدام
عصفور النار
ابو العلا البشرى
مازال النيل يجرى
وحاجات كتييير بصراحه مفيش وقت انى اقعد اعد فيها
فعلا عبقرى
عـــــــــمــــــر خــــــيــــرت
زى اول ما تشوف الشخصيه دى وتحس برقى ملوش حلهتحس برده فى الموسيقى بتاعته برقى ملوش حل
انا عمرى ما شفت حد بيعزف على البيانو اللى هى الته الموسيقيه المفضله زى الراجل ده
او ما تسمع موسيقته تحس ان انت اتنقلت لعالم جميل كله خضار وبحر وشمس وعصافير بتزقزق وبتغرد
تحس ان انت رحت لعالم رومانسى جميييل قوى
تحس بالحب بيغمرك من فوقك لتحتك ونفسك تروح لشخص بتحبه وترقصوا سوا على انغامه
علشان كده بحس ان موسيقته اكتر موسيقى تقدر تعبر عن اى حاله رومانسيه جميله ببساطه وبدون تعقيد
اى عمل رومانسى مفيش حد زى عمر خيرت يقدر يقدمه
زى
القاء التانى
غوايش
مافيا
تيمور وشفيقه
عارفه
واعمال اكتر من رائعه
وبرده عبقرى
يــــــاســـــر عــــــبــــــــد الـــــرحــمــــن
بصراحه موسيقى ياسر عبد الرحمن اكتر موسيقى قريبه لقلبى
بحس بحنان رهيب بيغمرنى لما بسمع موسيقته
احاسيس ومشاعر وحنين غريب لشئ انا مش عارفاه
علشان كده موسيقى ياسر عبد الرحمن اكتر موسيقى تقدر تعبر عن المشاعر الانسانيه اللى جوه البشر
تحس ان فى ايده معلقه وداخل جوه احاسيسك ومشاعرك وقاعد يقلب فيها ويطلع كل حاجه مدفونه
يمكن علشان كده زى ما بيقولوا اصدقائى على ايجى بيقولوا انهم دايما بيحطوا موسيقاه على الحالات الانسانيه والمآسى الى بتيجى على برامج التليفزيون
بصراحه عندهم حق
هيلاقوا فين موسيقى احن و اكتر شجن من موسيقى ياسر
موسيقاه اللى انا شخصيا لما بسمعها بحس انى عايزه ابكى وارتمى فى حضن امى او اختى
علشان كده تلاقى ان اقرب اله موسيقيه له هى الكمان
لان الكمان اله حزينه قوىىى
ياسر قدم اعمال كتير معظمها فى التليفزيون بس فى الفتره الاخير اتجه للسينما بشكل كبير
حسن ومرقص
ايام السادات
خيانه مشروعه
سوق العصر
كناريا
الاصدقاء
اليل واخره
مش عارفه اقول ايه ولا ايه
يستحق فعلا انه يكون تالت عباقرة الموسيقى فى مصر
هناك 9 تعليقات:
عمالقة
و كل واحد فيهم مدرسة و روح مختلفة
تسلم ايدك
هي دي المزيكا مش بعرور و الصغر :S
عمال اعيد وازيد فى قراية الكلام اكتر من مرة ..وصفك لشخصية كل واحد الموسيقية ببساطة ممتاز ..
ارتباطى بموسقى عمار الشريعى جزء كبير منها معلق معايا كذكريات من الطفوله لانه كان بيعمل معظم موسيقى الاعمال الدرامية واكتر ما معلق معايا لحد دلوقتى رافت الهجان وحلم الجنوبى ..ده بالنسبة للقديم بس <<<<
عمر خيرت الموضوع تعدى مجرد انه بيعمل موسيقى تتسمع مع تترات المسلسل او الفيلم لما يخلص ..لان ببساطة عمر خيرت ده عرف فى معظم العيلة تقريبا
<<<
ياسر عبد الرحمن انا بالنسبة لى هو رقم واحد .. مفيش مانع ان عمار الشريعى يعتبر الاب الروحى للموسيقى التصويرية الدرامية تحديدا وعمر خيرت موسيقته من روعتها تعدتت مجرد كونها ضمن حدود مصر او الوطن العربى لا موسيقته بتقدم برا دلوقتى وبيبقى عليها طلب كمان ..الا ان ياسر عبد الرحمن اكتر حد موسيقته بتمسنى وبندمج مع الحانه لدرجة انى مهتمش اذا كانت فى مسلس او فيلم انا بركز مع الموسيقى بس .. طبيعة الشجن اللى فى موسيقته اكتر الانواع اللى بتأثر فيا
----
سعيد جدا بالبوست ده
leeno
ايه النور ده
بعرور ده لما بشوفه اساسا بيجيلى استبحس
انا عارفه ومتاكده ان التلاته دول اكيد اثروا فى معظم الشباب المصرى بجد
El - Shandwely
شكرا على تعليقك واخلتم تواضعنا
انا على فكره مش بفهم فى الموسيقى قوىى انا بحسها
صحيح نا كنت بعزف وانا طفله بالمدرسه بس ده ميخلنيش بفهم فى الموسيقى
متهيالى لو اى حد فكرانه يكتب عن التلاته دول هيقول اكتر من كده
الناس دى مثل حى للفنان الى بيحس بفنه قوىى فى كل حاجه
علشان كده احساسهم بيوصلك بسهوله وتحس وتشعر بشعور كل واحد فيهم وهو بيقدم موسيقته
رغم برده انى ياسر قيب قوىى ليا
لكن كل واحد فيهم فعلا حاله تعيشها فى لحظات مختلفه
عمار عظمه
عمر الرومانسيه
ياسر الشجن
بلاش أرد انا احسن يا أختى (( ابتسامه ))
ولا ايه رأيك
بارك الله فيكى
وهدانا واياكى الى الحق المبين
والله من وراء القصد
السلام عليكم
ربنا يهدينا جميعا لو كنا ضالين
ربنا وحده اللى يعلم مين الضال ومين المهتدى
وشكرا على المرور
لا حول ولا قوة الا بالله
واضح انك فهمتى انى بقول عليكى ضاله او على الناس اللى حاطاهم فى الموضوع ضالين او شئ من هذا القبيل ..
يا أختى انا صحيح أقول ان الموسيقى حرام وهذا هو ما قاله الامام ابوحنيفه ومالك واحمد بن حنبل والشافعى
يعنى المذاهب الأربعه
وهناك أحاديث صريحه فى هذا الأمر
بس مش معنى كده انى بقول على الانسان اللى بيسمع موسيقى ضال
ومن منا لا يسلم من معصيه ..
وربما يكون انسان موسيقار يعمل بالموسيقى أفضل عند الله من عشرات من أمثالى ..
ولكن هى معصيه ولا خلاف
وردى السابق كان على سبيل الدعابه
وأرجو ان يخيب ظنى فيما فهمته من كلامك
والله من وراء القصد
السلام عليكم
ياعم انا عارفه انك بتهزر
انت متعود عليا انى ارد بضحك وهزار
بس المشكله انى للاسف فعلا مش طايقه نفسى اليومين دول
والضحك كده حاسه انه مبقاش له طعم
الموضوع ملوش علاقه بيك خالص ياعم
ايه ياعم دى (( ابتسامه ))
مش عارفه ليه يا مصعب لما بتكلم مع حد بقوله يا عم
يعنى حتى لو بنت برده بقولها يا عم
هو تعود تقريبا
بس كون انى اقول يا عم دى معانا انى فكيت شويه من الحاله الزفت اللى انا كنت فيها
إرسال تعليق