انا حراقدر اعمل اى حاجه واحقق اى حاجه واحاسس انى كل حاجه
انا خايف
مش قادر اعمل اى حاجه ولا احقق اى حاجه وحاسس انى ولا حاجه
انا حر
هطلع اللى جوايا للعالم من غير تردد واقول رايى من غير نفاق واتكلم مع الى حواليا بكل ثقه
انا خايف
كل الى جوايا كاتمه فى قلبى مش عارف اعبر عن رايى ولازم انافق عشان اقدر اعيش
انا حر
قادر احب احب بكل كيانى ومشاعرى واقول لحبيبى انا بحبك يا اغلى حاجه عندى
انا خايف
مش قادر احب ولو حبيت مش ممكن اعبر عن احساسى ولو عبرت مشاعرى
لازم تكون ناقصه واحاسيسى عمرها ما تكون كامله
انا حر
قادر اساعد الى حواليا بكل طاقتى
انا خايف
مش قادر اساعد حتى نفسى
انا حر
اقدر اغضب واثور واغير
انا خايف
بكتم غضبى وثورتى لما بقوا سكينه بتنهش فى قلبى
انا حر
سعيد سعيد سعيد منتهى السعاده
انا خايف
تعيس تعيس تعيس منتهى التعاسه
انا حر
والحريه جناحات اقدر ارفرف بيها واطير لاعلى حته فى السما
انا خايف
والخوف قيد من حديد مكلبشنى وموقفنى فى مكانى فى الارض
انا حر
مستحيل انى اكون خايف
انا خايف
مستحيل انى اكون حر
هناك 4 تعليقات:
إحساسك بجد جميل يا إيمان
علشان كدة مش هقول حاجة
أتمنالك بجد كل خير :)
وردة ليكي :)
انا قريت الموضوع ده فى المنتدى و اتبسطت اوى لما عرفت انك عندك مدونة عجبنى اوى البوست ده بجد لقيت نفسي فى جمل كتير من اللى انتى كاتباها و زى ما ايمان قالت احساسك حلو اوى اوى بجد
انا هضيف مدونتك عندى اذا ما كانش يضايقك عشان اعرف اتابعها على طول:)
ايمان انتى فين
بنوته مصريه
انا كمان ضفت مدونتك عندى ب سلسه مقرت شفيها حاجه
إرسال تعليق