كان نفسى اكون شخصيه كارتونيه فى علم بعيد بعيد عالم فيه الخير خير والشر شر الابيض ابيض والاسود اسود تقدر تعرف الشرير لما تشوفه تلاقيه مكشر وانيابه طويله وتلاقى على راسه قرون شيطان تقدر تعرف الطيب لما تشوفه تلاقيه مبتسم ابتسامه بيضه وتلاقى على راسه هاله الملاك
مش لازم اكون اميره من دول
كان ممكن اكون عصفوره ولا سمكه ولا حتى فيل
بس المهم انى اعيش بحريه
ومع الحريه هتتولد كل المشاعر صافيه زى نقيه زى ما هى وزى ما ربنا خلقها
لان اى شعور من غير حريه ملوش لا لون ولا طعم ولا ريحه
احب اعيش ولو اعيش فى الغابات
اصحى كما ولدتنى امى وابات
طائر حوان حشره بشر بس اعيش
محلا الحياه حتى لو فى هيئة نبات
هناك تعليق واحد:
والله انتي جميلة وجميلة قوي :)
إرسال تعليق